الأربعاء، 22 يناير 2020

طريقة فحص الأجهزة عالبور سبلاي ‫‬

طريقة فحص الأجهزة عالبور سبلاي ‫‬
طريقة فحص الأجهزة عالبور سبلاي ‫‬

طريقة فحص الأجهزة عالبور سبلاي ‫‬

لما يجيلك جهاز أول حاجه شيل البطاريه ووصل الجهاز علي الباور سبلاي وأضغط علي مفتاح الباور وشوف النتيجه ولو الجهاز أشتغل يبقي مشكله من البطاريه أشحنها وأبدأ شغل الجهاز بالبطاريه تمام طيب لو الجهاز مشتغلش علي الباور أعمل أيه
بص ياسيدي لو الجهاز مشتغلش شوف مؤشر الامبير لما بتضغط علي مفتاح الباور هيعمل أيه وخد عندك الحالات دي وافهمها جيدا :

الحاله الأولى : لو الجهاز لايسحب أمبير نهائيا يبقي المسبب !


  1. مفتاح الباور ومساره 
  2.  ريش البطاريه ولحامها علي البورده 
  3.  ic الباور وأحدد أزاي اولا قم بتوصيل الشاحن لو الجهاز أعطي علامه شحن فتكون مشكله مفتاح ولو مشحنش قيس ممانعه ريش البطاريه ولو سليمه يبقي مشكلتك في icالباور .


الحاله التانيه : لو الجهاز عند تشغيله علي الباور سبلاي سحب أمبير ضعيف ولا يفتح!

 وصل الموبايل علي الكمبيوتر ولو الكمبيوتر أتعرف عليه جرب تديله سوفت ولو الكمبيوتر لا يتعرف عليه فتكون مشكله من icالباور او البروسيسور


الحاله الثالثه : عند تشغيل الجهاز علي الباور سبلاي لقيت الجهاز سحب أمبير عالي !

سوأ قبل الضغط علي مفتاح الباور أو بعد الضغط علي مفتاح الباور يبقي في مكون او ic هيسخن أرفعه وجرب من غيره ولو ايسي من الايسهات المسؤوله عن تشغيل الجهاز باور غيره

الحاله الرابعه : لو الجهاز عند توصيله علي الباور سبلاي سحب امبير ضعيف لوحده وثبت مؤشر الامبير علي هذه السحبه مفيش حاجه هتسخن هعمل ايه ؟!

هقيس ممانعه علي المكثفات اللي حول ايسي الباور واللي حول البروسيسور وهلاقي مكثف او عدد من المكثفات بيدي بازر من الطرفين وأوصل طرفين المكثف علي الباور سبلاي وشوف اللي هيسخن

الحاله الاخيره : لو الجهاز عند توصيله علي الباور سبلاي أعطي صفاره مع العلم توصيل الكابل الاحمر علي موجب الريش والاسود علي السالب ده معناه ايه ؟

معناه ان البورده ديه بتسحب أعلي من ٢أمبير يعني أعلي من قدره الباورسبلاي فرد فعل الباور سبلاي انه يصرخ ويدي صفاره ومعني الكلام ده أن في مكون او قطعه تتغذي من البطاريه هي المسببه للقفله وعشان تعرفه هتعمل ايه ؟؟

هقولك قلل الفولت بتاع الباور للاخر وبعدين عالي الفولت درجه درجه وعينك علي مؤشر الامبير لحد ما يوصل مؤشر الامبير حتي ٢ امبير او حتي ٨'١امبير وشوف ايه اللي هيسخن وشيله وجرب البورده من غيره .

تم بحمد الله 
أخيكم Ahmed Elomda
طريقة فحص الأجهزة عالبور سبلاي ‫‬
Ahmed Elomda



ليصلك إشعار رد على تعليقك في هذا الموضوع على البريد الإلكترونى أضف علامة صح بالمربع بجوار كلمة "إعلامى"

EmoticonEmoticon