كيفية الحصول على خط محمول WE مجاناً للمستفيدين من "تكافل وكرامة".
طب يا جماعة بالنسبة لخط We انا استلمته امبارح زي مانتو شايفين اهو وجربته وكل حاجة وجيت اهو اقولكم خلاصة الحوار كله
ما خدمات الاتصالات التي تقدمها هذه الخطوط للمستفيدين منها شهريا مجانا؟
اول حاجة الخط لمستفيدين كرامه فقط الخطوط نازله بإسم مستفيدين كرامه فقط يعني لا بالاعاقة ولا ببطاقة الخدمات ولا حتى بشهادة التأهيل الخط لمستفيدي كرااامه فقط ، وكمان مش اي مستفيدي كرامه ده لكل من له بطاقة سارية يعني اي حد اقل من 16 سنه ملهوش يعني مفيش اب هيستلم لابنه والجو ده الاطفال ملهمش خطوط تاني حاجة نيجي لمميزات الخط الفرق بينه وبين اي خط
أولاَ : الخط هيبقى وسيلة التواصل الوحيدة بينك وبين وزارة التضامن وغالبا في المستقبل القريب هينزلو القبض عليه ونرتاحو من طوابير البسطه(البريد) والقرف ده وتقدر تسحب فلوسك من اي مكنة فوري أو ضامن مكن مبادرة البنك المركزي او صراف اّلي في الشارع جنب البيت
ثانياً : عليه ما يعادل 25 دقيقة لارقام We تقدر تستخدمهم بالثواني عادي جدا يعني ممكن تتكلم 5 ثواني هيتحسبو 5 ثواني مش دقيقة وعليه 15 رساله للارقام We وعليه 100 ميجا نت متجددين كل شهر (مدى الحياة)
ثالثاً : بعد كده سعر اي دقيقة لشبكة We بتبقى 2 قرش بس وسعر الدقيقة لاي رقم خارج الشبكة بـ11 قرش بس والجميل في الموضوع انك بتتحاسب بالثانية مش بالدقيقة يعني ال 60 ثانية تمنهم 11 قرش لكن لو اتكلمت اقل من كده هتدفع اقل يعني حرفيا اقل سعر دقيقة في مصر كلها
رابعاً : ليك باقات مكالمات ونت ووحدات بسعر ارخص من اي باقات في مصر كلها زي باقة النت الـ 1250 ميجا ب 10 جنيه بس وغيرها كثير
وبس كده اتمنى اكون فدتكم واي استفسار يكتب في التعليقات أسفل الموضوع هنا ،وهسيبلكم لينك التقديم ع الخط أضغط الارتباط ادناه بالطريقة الأولى
الطريقة الأولى: الحجز الإلكتروني
- على الرابط https://tk.te.eg لكافة مستفيدي برامج الدعم النقدي من الأسر والأفراد للتقديم، حيث يتم تحديد أقرب موعد لاستلام خطوط المحمول المجانية المخصصة لهم من أقرب فرع "WE".في حال قمت باتمام الطريقة الاولى بالحجزورغبت استخدام الطريقة الثانية لن يتم تنفيذ طلبك لانك قمت بالفعل بالحجز عبر الانترنت ولن يمكنك التراجع والقيام بخطوات الطريقة الثانية الا بعد مخاطبة وزرارة التضامن لذا فكر جيداً اي الطرق تفضل !
- موقع الحصول على خط محمول WE مجاناً للمستفيدين من "تكافل وكرامة".
الطريقة الثانية: استلام الخط في البيت بـ 15 جنيها مصاريف توصيل من خلال الخطوات التالية:
- إرسال كلمة "خط" على الرقم 1442.
- عقب استقبال الرسالة بكلمة "خط" الرد برسالة "برجاء الرد برقمك القومي المكون من 14 لتأكيد طلبك لاستلام الخط في البيت مقابل قيمة 15 جنيهًا مصاريف توصيل" ويمكنك ارسال رساله واحده فقط من اي رقم وهذا الرقم سيتم الاتصال او ارسال رساله عليه لاخبارك بموعد التسليم وموعد قدوم المندوب إليك.
- بعد كتابه الرقم القومي ستصلك رساله من نفس رقم وزارة التضامن الاجتماعي بالرد برقم 1 لتأكيد الرقم القومي أو الرد برقم 2 في حال كان إدخالك رقم القومي خطأ ورغبت بتصحيحه.
- بعد الارسال ستصلك رسالة بنجاح العمليه، وسيتم التواصل معك لترتيب التسليم في أقرب فرصة ، لكن هذة الطريقة من خلال الموبايل يلجأ البعض اليها لعدم وجود بيانات له على موقع تي داتا ، وعن تجربة لن يتم التواصل معك لذا يجب عليك التواصل بوزارة التضامن وتقديم شكوى لاضافه معلومات لدى شركة تي داتا وبعدها يمكنك الدخول مرة اخرى للموقع والتسجيل وحجز ميعاد بعد 20يوم .
إرسال تعليق
ليصلك إشعار رد على تعليقك في هذا الموضوع على البريد الإلكترونى أضف علامة صح بالمربع بجوار كلمة "إعلامى"